Bókunarskilmálar – Sveinki.is

1. Almennar upplýsingar

Sveinki.is býður upp á heimsóknir jólasveina í leikskóla, heimahús, fyrirtæki og viðburði.
Með því að bóka þjónustu hjá Sveinki.is samþykkir kaupandi eftirfarandi skilmála.

2. Bókun og staðfesting

Allar bókanir fara fram í gegnum bókunarkerfi Sveinki.is eða með tölvupósti.
Bókun telst ekki staðfest fyrr en kaupandi hefur fengið staðfestingu í tölvupósti frá Sveinki.is.
Sveinki.is áskilur sér rétt til að hafna eða breyta bókun ef ófyrirséðar aðstæður koma upp.

3. Tímarammar og tímasetningar heimsókna

Almenn regla:

Allar heimsóknir eru skipulagðar innan tímaramma.
Tímarammi fyrir mætingu þarf að vera að lágmarki 60 mínútur nema annað sé sérstaklega tekið fram.

Sértilvik:

Jólaboð í heimahúsi: lágmark 90 mínútna tímarammi
Aðfangadagur – Opinn tími:
- 08:00–12:00 eða 12:00–16:00
Aðfangadagur – Fastur tími:
- lágmark 60 mínútna tímarammi
  Fyrsti bókanlegi tímaramminn getur hafist kl. 07:00 á aðfangadagsmorgni.

4. Mæting innan tímaramma

Heimsókn getur átt sér stað í upphafi eða lok tímarammans.
Mikilvægt er að kaupandi geri ráð fyrir því við skipulag dagsins.
Við reynum alltaf að koma eins nálægt miðju tímarammans og hægt er.
Þegar nær dregur heimsókninni sendum við nákvæmari tíma innan rammans.

5. Greiðslur

Greiðsla fer fram samkvæmt þeim upplýsingum sem fram koma við bókun.
Sveinki.is áskilur sér rétt til að krefjast fyrirframgreiðslu, sérstaklega á álagstímum eins og aðfangadegi.

6. Afbókanir og breytingar

Afbókanir eða breytingar skulu berast í tölvupósti eins fljótt og auðið er.
Ekki er hægt að afbóka heimsókn með minna en 7 daga fyrirvara.
Ástæðan er sú að þá er búið (eða verið að) raða upp rúntum jólasveina og staðfesta aðrar heimsóknir og tímasetningar.
Afbókanir með skemmri fyrirvara geta haft veruleg áhrif á skipulag og framkvæmd og áskilur Sveinki.is sér rétt til að innheimta fullt gjald.

7. Aðstæður á staðnum

Kaupandi ber ábyrgð á að aðstæður séu öruggar fyrir gesti (jólasveina).
Ef um er að ræða fjölmenna viðburði skal tryggja að skipulag og aðgengi séu skýr.

8. Myndir og myndefni

Myndir eða myndbönd mega aðeins vera tekin með samþykki þeirra sem koma fram í þeim.
Sveinki.is birtir aldrei myndefni af börnum nema með skýru samþykki forráðamanna.

9. Ábyrgð

Sveinki.is ber ekki ábyrgð á töfum vegna umferðar, veðurs eða annarra ófyrirséðra aðstæðna, en leggur sig fram um að upplýsa kaupanda eins fljótt og mögulegt er.