Jólasveinarnir eru bræður, og eru 13 talsins. Mamma þeirra er tröll sem heitir “Grýla” og pabbi þeirra heitir “Leppalúði”. Jólasveinarnir eru mjög hæfileikaríkir, og systir þeirra, hún Skjóða er búin að kenna þeim mörg jólalög sem mannfólkið vill syngja í Desember.
Við erum búnir að vera á ferðinni í allan dag í snjónum að heimsækja jólaboð út um allan bæ. :)
Tíundi var Gluggagægir,
grályndur mann,
sem laumaðist á skjáinn
og leit inn um hann.
Ef eitthvað var þar inni
álitlegt að sjá,
hann oftast nær seinna
í það reyndi að ná.
Níundi var Bjúgnakrækir,
brögðóttur og snar.
Hann hentist upp í rjáfrin
og hnuplaði þar.
Á eldhúsbita sat hann
í sóti og reyk
og át þar hangið bjúga,
sem engan sveik.
Skyrjarmur, (Skyrgámur) sá áttundi,
var skelfilegt naut.
Hann hlemminn o’n af sánum
með hnefanum braut.
Svo hámaði hann í sig
og yfir matnum gein,
uns stóð hann á blístri
og stundi og hrein.
Sjöundi var Hurðaskellir,
-sá var nokkuð klúr,
ef fólkið vildi í rökkrinu
fá sér vænan dúr.
Hann var ekki sérlega
hnugginn yfir því,
þó harkalega marraði
hjörunum í.
